OUTRA VACA NO MILLO
Imos de mitin, ¿vés?
Os mitins políticos son rituais de autoafirmación da fe propia e cada vez seméllanse mais ós ritos relixiosos, onde uns chamáns expoñen a doutrina a un fato de fieis seareiros que cantan salmos, berran aleluias e aplauden os intres álxidos da oratoria oficiante. Mais aló da nota de prensa garantida, mais aló da escola de prácticas oratorias, mais aló da xuntanza dos xa convencidos, ¿serven para algo mais?
Nos pasados comicios europeos asistín a un só mitin, ó dos meus en Lalín. Estabamos dez persoas para escoitar a dúas que nos viñan falar: Carme Adán e Alberte Souto. Vendo o aforo presente e sabendo que eramos todos coñecidos e coñecedores da mensaxe divina, eu crin que os faladores aproveitarían para contar dous chistes, algún dixomedíxome e, despois, marchariamos en amor e compaña a baixarlle unhas mirindas no Currás.
Mais non foi así. Carme gastou media hora maldicindo do neoliberalismo e da Europa construída sobre dese ismo. Eu, que sempre fun moi liberal, non llo tomei a mal, porque sei que é boa xente, cre no que di e é mais feitiña ca unha donicela riba dun valado. Pero despois dela oficiou o Alberte, e falou todo o que tiña dentro. Tanto falou que me deu tempo a cruzar e descruzar as pernas, estarricalas, engruñalas, e facer centos de figuriñas papirofléxicas co folleto da propaganda. Como Alberte non é o meu tipo, evitaba miralo; porque de facelo, pareceríame estar vendo ó cura de Santa Comba nos seus días mais gloriosos, cando alzaba a vista cara o ceo da igrexa e deixábanos ós mortais a estampa estarrecedora dos seus ollos en branco.
Houbo un intre no que pensei que nos iamos poñer de pé e recitar a coro aquelo de “Creo na Galiza Nai e Señora, creadora do ceo e mais da terra, creo en Alfonso Daniel o seu único fillo......Creo no Benegá, único e verdadeiro,....” Entón dinlle co cóbado ó que tiña á miña dereita e díxenlle polo baixiño: “E eu que deixei de ir á misa para non escoitar sempre a mesma trécola...”
Sen comentarios
Novo comentario
Se xa tes o teu nome en Vieiros, podes acceder dende aquí:
José Luís Sucasas
Naceu no ano 1959 en Cadrón, parroquia de tres lugares que son fronteira entre Lalín e Agolada. Na actualidade traballa de administrativo de obra no sector da construcción.
Máis opinións
- Papá, ¿que cousa é un funcionario? (19/07/2010)
- Agora é cando (06/07/2010)
- Na Era da Información (24/06/2010)
- Na depresión moita distracción (15/06/2010)
- A miña cabeza non ten paradura (31/05/2010)
- A última gran concentración parcelaria (18/05/2010)
- Historias de Cadrón (06/05/2010)
- Memoria de dúas labazadas (29/04/2010)
- Democracia tamén rima con falacia (20/04/2010)
- De Alfonso X O Sabio a Zarrías I o Reparador (09/04/2010)
- A triste historia do boi de Abonxo e mailo conselleiro Fariña (30/03/2010)
- Hai días que mellor sería non abrilos (24/03/2010)
- Defensa dun virachaquetas calquera (16/03/2010)
- Un Soñar no Mar da Tranquilidade (09/03/2010)
- Sainete de tres no Currás (26/02/2010)
- Chámome Adolfo... Adolfo Domínguez (22/02/2010)
- No principio foi Bush, como puido ser outro calquera (01/02/2010)
- Un niño de ratos roxos e nacionalistas (20/01/2010)
- A vida é puro conto, maiormente (05/01/2010)
- Un home remexendo no colacao (20/12/2009)
- Nin contigo nin sen ti teñen os meus males remedio (02/12/2009)
- A mosca xaxá e mailo gobernador (20/11/2009)
- Os enredantes (06/11/2009)
- Non digas política, di Pepe (Blanco, Montilla, Cuiña, Crespo...) (23/10/2009)
- Iste vaise, aquel vaise e.. (13/10/2009)
- Aí vén o Santiago de estrelas cuberto (26/07/2009)
- A viaxe da pobreza segura á riqueza incerta (19/07/2009)
- Grazas polo paraíso (12/07/2009)
- A señora Lago, Galiza e máis eu (05/07/2009)
- Estamos feitos de consumo e produción (28/06/2009)
- A maioría silandeira (14/06/2009)
- O noso é chuzar (07/06/2009)
- A realidade contada (31/05/2009)
- Máis política. Menos relixión (24/05/2009)
- Na proclamación de Guillerme andei por aí (17/05/2009)
- Éxito e glamour na Consellaría de Economía e Industria (10/05/2009)
- Buzlightyear (03/05/2009)
- As ideas e mailas persoas (26/04/2009)
- Xogo, especulación, empresa (19/04/2009)
- A factura do hospital (13/04/2009)
- Economía de primeiros auxilios (05/04/2009)
- Por onde entra a calor, o frío tamén pode (29/03/2009)
- O cumio do G-2500: A refundación do nacionalismo (22/03/2009)
- O poder psicotrópico dos números (15/03/2009)
- Ademais o tractor é meu (08/03/2009)
- Eu tamén son K (01/03/2009)
- O futuro xa está aquí (22/02/2009)
- ¡Mira que somos reparados! (15/02/2009)
- Antroido electoral (08/02/2009)
- Balance dunha lexislatura (01/02/2009)
- Economía: Lección 1 (09/01/2009)
- A descuberta do punto G da economía (17/11/2008)
- A maldita especulación (03/11/2008)
- A proclamación de Quintana: eu non estaba alí (10/10/2008)
- A propósito de Steiner (16/09/2008)
- A historia sen fin de Santiago de Zebedeo (02/09/2008)
- As cousas como son, aínda que non o parezan (14/08/2008)
- Economía: lección 0 (28/07/2008)
- O día que toleou Virginia R. Mateos (01/07/2008)
- Hai un paquete para ti (17/06/2008)
- Deus, Eurovisión e nacionalismo (05/06/2008)
- Os beneficios para min, as perdas a repartir (22/05/2008)
- Galegos na corte do Rei Carolo (29/04/2008)
- A democracia no rural: 5.000 palcos da música (17/04/2008)
- Brainstorming á galega (03/03/2008)
- Así coma quen (17/02/2008)
- Eu non son español (01/02/2008)
- O inventor da apañadora de votos (24/01/2008)
- O primo de Rajoy e mailo meu cuñado cambote (08/01/2008)
- A xénese da cor maxenta (21/12/2007)
- Hai algo alén da política e dos políticos? (09/12/2007)
- Do amiguismo á discriminación positiva (20/11/2007)
- Un respecto para a política (08/11/2007)
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto