|
|
  |
 |
|
 |
|
Primeiros parlamentarios Eran outros tempos. Había outros problemas, e sobre todo un xeito diferente de concibir a política. Fanse 20 anos de autonomía e crimos que había que mirar para atrás. ¿Lembran vostedes a Ramón Piñeiro, Carlos Casares e Alfredo Conde sentados no vello edificio de Fonseca? ¿E os lentes e o bigote de Anxo Guerreiro? ¿E a Enma González Bermello, vestida con traxe típico e dicindo que "unha ocasión histórica merecía un traxe histórico"? ¿Tal vez a Carmen Lovelle, a verinesa de AP que agora é secretaria xeral do partido de Ruiz Mateos? Entrevistamos aquí tres daqueles homes e mulleres que formaron parte do primeiro parlamento. Eles viviron os comezos en primeira persoa, e por iso agora poden contarnos como vían a política galega daquela, e agora. Enma González Bermello Enma González Bermello foi unha das tres mulleres que formaban parte do primeiro parlamento galego, aló polo 81. A deputada da UCD, ex-alcaldesa de Vigo, deixou entrever a súa morriña polos tempos nos que aínda estaba a xestarse a nosa autonomía. Vinte anos despois, a "deputada vestida de galega" coméntanos as diferencias que atopa entre a política actual e a daquel tempo e anuncia que "as cousas teñen que cambiar". 
Alfredo Conde Cid Falamos con Alfredo Conde Cid, deputado independente polo PSdeG-PSOE no primeiro Parlamento autonómico. Teima contra a terminoloxía política actual pouco ilusionante e dos deputados 'culiparlantes' que renden conta ao partido antes que aos cidadáns que lles deron o voto. ¿Cal era o papel dos intelectuais na política daquela? ¿E agora?
Lois Diéguez Lois Diéguez, topógrafo metido a escritor, foi un dos tres primeiros deputados do BNPG no parlamento. A súa fuxida da Cámara por non xurar a Constitución decimou o seu partido, que quedou catro anos máis tarde reducido á mínima expresión. ¿Estivo ben? ¿Mal? ¿Teríao feito doutro xeito? E avisa: "pode volver a UCD".
«« Portada da Edición
|
|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
