Vieiros

  A xulgar polo acontecido no concello de Benidorm, semella que o buque insignia dos socialistas, baixou do mástil o seu tradicional distintivo vermello con puño e rosa, e en sustitución enarbola, unha peza de tea negra cunha caveira cruzada por ósos, e para completar ambientación, A ALMIRANTE da nave, mudou o tradicional uniforme de gala por unha vestimenta pirata, sen garfio iso se, pois o puño precísao para entonar a internacional.

Eu, que case non me sorprendo de nada, hei de afirmar que este vodevil político cáusame estupor; sabía que esta xente perdera a sensatez, pero o que descoñecía, é que a continuación perderían a vergonza, e coma se tal cousa fose unha virtude, no canto de tomar a porta traseira e marcharse, para maior desfachatez amosan fachenda da súa indecente fazaña.

Por hixiene democrática e esta xente hai que dimitila, non se pode tolerar que as apetencias e ambicións persoais impóñanse ás regras de funcionamento democrático.

É hora de que a sensatez tome protagonismo, nestes  convulsivos tempos a extravagancia non ten cabida, xa está ben de aturar as parvadas e intrigas da  raiña dos acontecementos históricos planetarios.........

Sra Pajín, é ben que atraque e desembarque, non é preciso que cumplimente o caderno de bitácora, tome o macuto e vaiase, pois políticamente súa viaxe ten rematado, salvo que teña empeño en vivir unha a revolta a bordo.