Vieiros

Além do acto convocado na USC com Elena M. Canals sobre perspectivas e reptos da Revoluçom Cubana no sêculo XXI, AGIR coorganiza, junto com BRIGA, umha outra palestra de carácter internacionalista, desta volta na localidade da Corunha.

Narciso Isa Conde, membro da Presidência Colectiva da Coordenadora Continental Bolivariana, e dirigente de Nueva Izquierda-Círculos Caamañistas da República Dominicana, oferecerá-nos umha vissom centrada no projecto que o socialismo latinoamericano está a erguer como resposta ao imperialismo ianque: o saque dos Povos americanos, e a sua depauperaçom criminal.

Narciso Isa Conde é um expoente do socialismo sem complexos que pretende resgatar as luitas heroicas contra o capitalismo no continente americano gestadas polas guerrilhas e organizaçons políticas comunistas em decénios passados. A presença no País deste histórico combatente orgulha-nos como militantes revolucionários/as, e esperamos que o seu exemplo seja do interesse do estudantado corunhês.

A palestra decorrerá na Aula Cultural Alexandre Bóveda da Corunha, na Rua Olmos, segunda-feira 14 de Abril a partir das 20,30 horas.

Ficades convidadas e convidados!