Vieiros

Da parte de Redondela e contornos chegan este sábado e domingo a Saxamonde produtores caseiros de viño a ofertaren os seus caldos. A acompañar: carne ao caldeiro, polbo e empanada "a prezos populares". O asunto gastronómico chega convocado pola Asociación Cultural Chan das Pipas, co obxectivo de poñer en valor a elaboración de viño artesán e máis promover os espazos de lecer locais.

Velaí o programa:

PROGRAMA DA II FESTA DO VIÑO DA CASA

Sábado 18 de xullo:
18:00 Apertura de casetas de viño e petiscos (carne ao caldeiro, polbo e empanada)
Inauguración da exposición fotográfica:
"Xente, momentos e lugares de Saxamonde"
20:00 Demostración da Escola de Baile Moderno de Saxamonde e da Escola de Baile Latino Vigo-Salsa.
21:00 Pasarrúas a cargo do grupo “Os de sempre” de Lavadores
22:00 Concerto de Música
Pandereteiras de Saxamonde “Arela”
Pandereteiras “As Tarambainas” de Lavadores
Regueifeiros de Galicia (improvisación en verso)

OS CARUNCHOS

Domingo 19 dexullo:
11:30 Reapertura de Casetas
13:00 Sesión vermú a cargo da Orquestra de Saxos de Redondela.
14:00 Xantar Popular
17:30 Xornada de Xogos Tradicionais e Populares (para cativos e maiores)
19:30 Monicreques a cargo de TANXARINA

Máis na bitácora Malmequer