|
 |
|
 |
|
PSdeG-PSOE
En España, o PSOE fundouse
clandestinamente en Madrid o 2 de maio de 1879 en torno a un núcleo de intelectuais e obreiros
encabezados por Pablo Iglesias. Trala clandestinidade da dictadura, o Partido Socialista accedeu ao
Goberno español en 1982 da man de Felipe González e con Alfonso Guerra de
vicepresidente.
En 1996 perde as eleccións e pasa a ser o principal grupo da oposición. Logo dunha lexislatura chea de disensións internas o
secretario xeral Joaquín Almunia demitiu ao revalidar o PP a maioría absoluta. O seu secretario xeral actual é José Luis
Rodríguez Zapatero.
En Galicia, o Partido Socialista Galego (PSdeG-PSOE) formou un goberno de coalición con
Coalición Galega e o Partido Nacionalista Galego entre 1987 e 1989. Unha das principais
novidades das pasadas eleccións foi a coalición formada polo PsdeG con EdeG e Os Verdes.
Parecía que ía ser o primeiro experimento de coalición de IU co PSOE pero as
diferencias internas de IU lle custaron a división á formación en Galicia e en
nada favoreceron os votos dos socialistas. Abel Caballero foi apartado da secretaría xeral do
partido logo do baixón electoral do 97.
|
............................................................
O partido por dentro
O actual candidato é Emilio Pérez
Touriño, que accedeu á secretaría xeral logo deses comicios. Malia todos os seus
esforzos de cohesión, que ofreceron importantes resultados, o principal obstáculo ao que
se enfronta Pérez Touriño dentro do partido é a actitude díscola dos seus
representantes nos concellos de Vigo e A Coruña, Carlos Príncipe e Francisco
Vázquez. Este último, primeiro candidato socialista á Xunta en 1981, abandonou o
parlamento galego xa daquela en protesta porque a capitalidade fose para Santiago e non para A
Coruña. Son continuos os seus ataques aos pactos cos nacionalistas e as súas louvanzas
aos populares Xosé Cuíña e Manuel Fraga.
............................................................
Peso político
Parlamentarios: 13
Deputación: _
Alcaldías: Das sete cidades: Lugo, Santiago e A Coruña
Concelleiros: 861
Deputados en Cortes: 6
Senadores: 4
Eurodeputados: 1
«« Portada da Edición
|
|
|
| LIGAZÓNS |
|
|
|
|
|
