PODER GALEGO  O PAÍS  O GOBERNO  OS PARTIDOS  PP  BNG  PSOE  OUTROS  OS PROGRAMAS  PP  BNG  PSOE  COMPARATIVA  OS LÍDERES  FRAGA  BEIRAS  TOURIÑO  RESULTADOS  CANDIDATOS  FOROS  EVOLUCIÓN DO VOTO  SONDAXES  LIGAZÓNS  CONTACTAR			Partido Popular Nace, a nivel do Estado, a partir da evolución de Alianza Popular (AP) e da integración doutros partidos de centro-dereita. Foi en 1989, no IX Congreso de AP, cando se adoptou o nome e o proxecto do PP. A partir desta data vanse incorporando ao proxecto do partido persoeiros independentes, de ideoloxías liberais, conservadoras e demócrata-cristiás. No X Congreso celebrado en Sevilla en abril de 1990, José María Aznar foi elixido presidente nacional do PP. Nas últimas eleccións ás Cortes españolas, no 2000, o PP foi a forza máis votada no Estado ao acadar por primeira vez a maioría absoluta. En Galicia, o Partido Popular leva gobernado dende as primeiras eleccións autonómicas en 1981, non sendo no período 1987-89. O seu punto de inflexión coincide coa chegada de Fraga no 89, logo do goberno tripartito. Cunha inesperada maioría absoluta Fraga comeza un ciclo que se resiste a pechar.   ............................................................ O partido por dentro O PPdeG faise forte actualmente baixo a referencia de Fraga, que afoga calquera manifestación pública de desacordo interno. Sen embargo, existe unha forte fenda no partido, á súa vez tamén coa dirección de Madrid.. Dunha banda estarían políticos ben vistos dende a dirección madrileña como o secretario xeral Xosé Palmou ou o alcalde de Ourense Manuel Cabezas (chamados popularmente 'os da garavata'). Do outro lado os mellores representantes son os presidentes das deputacións de Lugo e Ourense, Francisco Cacharro e Xosé Luis Baltar ('os da boina'). A manifestación máis clara desa división prodúcese arredor do debate, oficialmente non aberto, pola sucesión de Fraga. ............................................................ Peso político Parlamentarios: 42 Deputación: Marioría absoluta nas 4 Alcaldías: 70% dos concellos, pero só 45 da poboación. Das sete cidades, só Ourense. Concelleiros: 2.185 Deputados en Cortes: 16 Senadores: 14 Eurodeputados: 3 «« Portada da Edición		Fai os teus comentarios no: Foro xeral G>2001 ......................... Foro PP  LIGAZÓNS • Web oficial • Cargos electos do PP • Axenda electoral do PP • Principais oficinas en Galicia ......................... Outras webs: • Beatriz González (Única candidata con web propia) • Dositeo Rodríguez (ex-Conselleiro da Presidencia) • PP de Ponteareas • PP de Moaña • PP da Coruña • PP a nivel estatal