|
 |
|
 |
|
Bloque Nacionalista Galego
Fundouse en 1982 por militantes da desaparecida AN-PG, a UPG e o PSG e organizacións e colectivos nacionalistas diversos. Preséntase ao ano seguinte ás eleccións locais acadando 50.000 votos en todo o país, resultado que repite nas autonómicas do ano seguinte e que lle dan o primeiro deputado da súa historia, Xosé Manuel Beiras pola Coruña. Ese mesmo ano, 1986, non pasa de 27.000 votos. Nas municipais e europeas do 87 e nas xerais do 89 mantense arredor dos resultados anteriores.
A inflexión prodúcese nese mesmo ano 89. Nas autonómicas chega ata os 100.000 votos, o que lle dá grupo parlamentario propio con cinco deputados electos. A partir de aí convértese na forza galega que maior crecemento experimenta. No 93 subirá ata os 13 deputados, nas xerais do 96 obtén por primeira vez representación en San Jerónimo, con dous deputados, e en 1997 convértese na principal forza da oposición galega desprazando dese lugar ao PSOE.
|
............................................................
A fronte por dentro
O BNG aglutina na actualidade as principais forzas nacionalistas galegas de centro e esquerda e tenta estender aínda máis o espectro electoral cara a votantes tradicionais do PP. Os principais partidos no seo do Bloque son a Unión do Povo Galego (comunista) e Esquerda Nacionalista (socialdemócrata). Como grupos de menor entidade están Inzar e o Colectivo Socialista (na á máis esquerdista), Unidade Galega (socialdemócrata) e Partido Nacionalista Galego-Partido Galeguista (centrista). Con todo non haber grandes conflictos públicos, existen políticas de cotas entre as distintas forzas para calmar a loita polo control da fronte.
............................................................
Peso político
Parlamentarios: 18
Deputación: _
Alcaldías: 14. Das sete cidades: Vigo, Pontevedra, Ferrol.
Concelleiros: 585
Deputados en Cortes: 3
Senadores: 1
Eurodeputados: 1
«« Portada da Edición
|
|
|
| LIGAZÓNS |
|
|
|
|
|
